මහින්ද රාජපක්ෂ යනු දියසේන කුමාරයාද??

නොවැම්බර් මස 18 හෝ 19 ජනාධිපති මහින්ද රාජපක්ෂ සිය දෙවන ධූර කාලයේ දිවුරුම් දීම සිදුවිය හැකි බව යෞවන කටයුතු අමාත්‍ය ඩලස් අලහප්පෙරුම පවසයි. කොළඹ අද පැවැති එක්සත් ජනතා නිදහස් සන්ධාන මාධ්‍ය හමුවකට එක් වෙමින් අමාත්‍යවරයා කියා සිටියේ ඓතිහාසික අනුරාධපුර නගරයේදී මෙම දිවුරුම් දිම සිදුවනු ඇති බවය. ජනාධිපතිවරයා සිය දෙවන ධුර කාලයේ දිවුරුම් දීමට සමගාමීව හම්බන්තොට ජාත්‍යන්තර වරායට පළමු නැව සේන්දු වීම සිදුවනු ඇති බවද ඔහු ප‍්‍රකාශ කළේය
Source: www.lankacnews.com

“දියසේන කුමාරයා” ගැන කියන කතාවල කියල තිබෙනවා බුදුන්ගේ පරිනිර්වානයට වසර දෙදහස් පන්සීයකට පසුව පහල වෙන දියසෙන් කුමාරයා යම් දිනෙක අනුරාධපුරයට ලොබ බැඳ එහිදී රජකමට පත් වන බව. ඒ වගේම සමහර අය කියනවා “දියසේන කුමාරයා” උපදින්නෙ කරදියෙන් කියල. ඒ වගේම දියසේන කුමාරයා යම් දියෙන මහ මුහුද දෙබෑ කරල ඉන්දියාවෙන් ලංකාවට එනවයි කියනව වගේම යම් දිනෙක සිංහලය එක්සේසත් කර දහමෙන් ලෝකයද දිනනවයි කියලත් කියනවා. මේ කතා බොහෝමයක තිබෙන්නෙ සුමන සමන් දිව්‍ය රාජයා ශ්‍රී පාදයට වන්දනාවේ යන තාපසයෙකුට, මිනිස් වෙසින් පැමිණ මෙය ප්‍රකාශ කල බවට.

කියග මගිය එනු කොහි සිට? – දද සමනොළ ගොසිනා
නොය කියමුකු එදිග? – බමුණ සුමන සුරිඳු විසිනා
ගිය කල දෙදහස් පන්සිය – රජකු එතැයි දියනා

මහින්ද මහත්තයා ඉපදුනෙත් 2500 බුද්ධ ජයන්තියට ආසන්න කාලෙක. ඒ කියන්නෙ 1945 දී. එතන වසර කිහිපයක වෙනසක් තියෙනව තමයි. ඒත් ආසන්නව යනව.

සමන් දෙවියන්ගෙ අනාවැකියට අනුව එතුමා බෙදී වෙන් වුන සිංහලය එක්සේසත් කළා. එදා පඬුවස් මහරජතුමා යක්ෂ, නාග, දේව, අසුර වගේ ගෝත්‍ර එකතු කරල සිංහල ජාතිය හැදුව වගේ අද බෙදී වෙන් වුන සිංහල, දෙමළ, මුස්ලීම්, බර්ගර් ජාතීන් එකතු කරල ශ්‍රී ලාංකික ජාතිය නිර්මානය කළා.

ජනපති කමට දිවුරුම් දෙනව කියන්න, සිංහල ඉතිහාසයට අනුව රාජාහිශේකයක් වගේ තමයි. ඉතින් අනුරාධපුරේ මෙය සිදුවීමත් අර අනාවැකිය සඵල කරන්නක් නේද?

ඒ වගේම එදා යුද්ධය දිනපු ජනපතිතුමා අද ජනතාව දිනාගෙන තිබෙන්නෙ අර මහා සාගරය දෙබෑ කරල හදපු මාගම්පුර වරාය නිසා නේද? ඉතින් බලන්න මාගම්පුර වරාය නිසා ඉන්දියාවට තිබුන වරාය ආදායමේ අන්තිම පනකෙන්දත් අහෝසි වෙලා ඒක ලංකාවට එනව. එතකොට දියසේන කුමාරයා ඉන්දියාවේ සිට මහ මුහුද දෙබෑ කරගෙන එන කතාවයි, කරදියෙන් උපදින කතාවයි ඒකට ගැලපෙනව.

පසුගිය එක්සත් ජාතීන්ගේ සමුළුවේදී අපේ ජනපති තුමා අවධාරනය කරපු දෙයක් තමයි බුදු දහම ලෝක ආර්ථික සංවර්ධනයට ඉවහල් කරගතයුතු බව. එතුමාගේ අනාගත දැක්මත් ඒකයි. ඉතින් එතුමා යම් දිනෙක බුදු දහම ආශ්‍රය කරගෙන අප රටට නියම සංවර්ධනයක් ලබාදීල (ඒ කියන්නෙ ආධ්‍යාත්මික සංවර්ධනයක්) එය ලෝකයටත් ව්‍යාප්ත කළොත් එයත් දියසේන ප්‍රතිපත්තියම නේද?

ලස්සනම කාරණාව තමයි එතුමාගෙ සම්පූර්ණ නම Percy Mahinda Rajapaksa ඉංග්‍රීසියෙන් ලියල එකෙ අකුරු එහාට මෙහාට කළාම Parakrama සහ Diyasena කියන නම් දෙක පොඩි අකුරු 4ක විතරක් වෙන ඉතිරියකින් ලබාගන්න පුළුවන් වීම. දියසේන කියන්නෙ පරාක්‍රමබාහු රජතුමාගෙම පුනර්භවයක් බවටත් ජනකතාවක් තිබේ.

ඉතින් මේක අපේ සිංහල ඉතිහාසයේ තිබෙන අනාවැකියක් සඵල වීමක් නේද? ඔබත් හොඳට කළින් කී කතාව අධ්‍යයනක කරලා පූර්වාපර සන්ධි ගලපලා බලන්න. ඔබ මෙම කතාව විශ්වාස කරන්නේනම් “විකීපීඩියා” විශ්වකෝශයේ මහින්ද මහතාගේ විස්තර වලට එය එකතු කරන ලෙස ඉල්ලා සිටිමි. (මන්ද යත් එයට කරුනු ඇතුලත් කිරීමට බොහෝ දෙනෙකුගේ සහාය අවශ්‍ය වීමයි.)

“දෙවන නිදහස් අරගලයට නායකත්වය දී එය ජයග්රහණය කළ ජනාධිපතිවරයාට රජකු ලෙසින් සැලකීම නො වැළැක්විය හැකි කාරණයෙකි. ආයුබෝ වේවා! මහ රජාණෙනී, කීව ද දුටුගැමුණු යැයි කීව ද ජාතියේ ආඩම්බර තාත්තා යැයි කියූව ද වෙනසක් නැත. ඒ සියලු හැඳින්වීම්වලට සේ ම ගෞරවයට ද ජනතාව එකඟ ය. යම් දිනෙක මහින්ද මහතාව “දියසේන මහරජතුමා” යැයි ජනතාව විසින් හඳුන්වා ජීවමාන වූ ඉතිහාසගත ප්‍රබන්ධයක් වීම රැඳී ඇත්තේ එතුමාගේ ඉදිරි වැඩ කටයුතු අනුවය.”